Ginkumpirmar ni Secretary Fortunato de la Peña sang Department of Science and Technology (DOST) , nga nag commit na sang tatlo ka milyon nga anti COVID vaccines ang Pilipinas sa Gavi COVID-19 Vaccines Global Access (COVAX) Facility.
Suno kay dela Peña ,ginpahibalo na sa DOST nga kinahanglan mag commit sang 3 percent nga equivalent sang populasyon kag ini ang gindangop na sang ahensya sa Inter Agency Task Force okon IATF agud gilayon nga ma desisyonan.
Dugang pa ni dela Peña, mahimo nga makabakal ang Pilipinas sang vaccine sa COVAX sa tubtub 20 porsyento sang populasyon sang Pilipinas, nga may ara sa karon sang masobra 100 ka milyon nga population.
Ini nga vaccine ang nagabili sang 500 pesos.
Nagakahulugan nga magakinahanglan ang Pilipinas sang 1.5 bilyones ka pesos nga alokasyon okon budget para sa 3 milyones ka mga vaccine.
Suno kay dela Peña , may posibilidad nga ihatag ang vaccine sa duha ka mga doses.