PHILIPPINES – Nakarecord ang Pilipinas sang 14,640 ka mga bag-o nga kaso sang COVID-19 sang tinalikdan nga semana, kun sa diin nagtaas sang 40 porsyento ang kaso sa bug-os nga pungsod matapos lamang sang isa ka semana, suno sa Department of Health sang Lunes, Hulyo 18, 2022.
Suno sa DOH, may yara naman ang pungsod sang average nga 2,091 ka mga kaso kada adlaw humalin Hulyo 11 tubtob 17.
May sumatotal nga 587 ukon 8.7 porsyento sang COVID-19 nga pasyente ang may kritikal nga kondisyon kag yara sa ospital.
Ini ang mas mataas kung ikumparar sang nanligad nga semana nga may narecord nga 555 ka mga pasyente nga yara sa kritikal ang konsidyon.
Nabakunahan naman ang 71 million nga Pilipino batuk COVID-19, samtang 15.5 million naman ang nakabaton na sang ila nga booster shots.*
