Ginpatigayon ang pinakauna nga Karo Festival 2023 sa Barangay Manghanoy Covered Court sa banwa sang La Castellana, Negros Occidental kagapon, Martes, Pebrero 7, 2023.
Makita ang mga nagkalain-lain nga desinyo sang karo kag may mga pinta man ang nagaguyod nga carabao. May mga karga ini nga mga patubas kasubong sang utanon, humay, mga prutas, saging, tubo kag iban pa.
Isa ini ka programa sang alkalde sang La Castellana nga si Mayor Rhummyla Nicor-Mangilimutan agud maghatag sang pasidungog sa mgmangunguma sang Barangay Manghanoy kag sa iban nga mga barangay sang banwa.
Ginakilala sang banwa ang daku nga papel sang mga mangunguma sa food security.*
