BACOLOD CITY– Kampyeon ang Pinay skater nga si Sofia Lexi Jacqueline Frank matapos makuha ang gold medal sa 2022 Asian Open Figure Skating Trophy sa Jakarta, Indonesia.
Gilayon naman ginpasidunggan sang Senado si Frank bangud sang kadalag-an.
Suno kay Senator Ramon Revilla Jr., ginlutos sang Pinay ang walo pa gid ka mga atleta sa nasambit nga kompetisyon sadtong Disyembre 7 tubtob Disyembre 9.
Nakuha ni Frank ang gold medal sa score nga 50.19 ka puntos sa short program segment kag 93.78 ka puntos sa free skating apang may kabilugan ini nga 143.97 ka puntos.
Nagalaum naman si Revilla nga si Frank ang mangin representante kag makakuha sang una nga gold medal para sa pungsod sa Winter Olympics.
Apisar sang kadalag-an sang Pinay, nakigbahin man ini sa World Junior Figure Skating Championship, Finlandia Trophy, Colorado Spring Invitational kag US International Figure Skating Classic.*