Pinay nga may karinderya sa South Korea, nagaganar sang P86k kada adlaw

Madamo ang nabilib sa isa ka Pinay nga may karinderya sa Little Manila sa South Korea bangud sa balor nga ginaganar sini kada adlaw.

Suno kay Violeta, 10 na siya ka tuig nga nagabaligya sang mga pagkaon sa Little Manila kag siya ang pinakaulihi nga nagtukod sang kalan-an sa lugar.

Antes pa man makakadto si Violeta sa South Korea, nakapamana na ini sang isa ka Koreano sa Pilipinas.

Gindala si Violeta sang iya bana sa nasambit nga pungsod kag didto sila nagpakasal.

Bangud sa mga Pinoy foods nga ginabaligya ni Violeta sa iya nga karinderya, nagaganar ini sang 2 milyon nga South Korean won ukon P86,000 kada adlaw.