Pinay sa Kuwait, naghimo sang libre nga face masks para sa OFWs

KUWAIT- Gintun-an gid sang isa ka Pinay sa Kuwait ang pagpanahi para makahatag sang bulig sa parehas sini nga Overseas Filipino Worker (OFW) pamaagi sang libre nga face masks.

Kaupod ang iya pamilya, nagpanahi si Mayla Rose Mago para mahatagan ang mga Pilipino nga yara sa Kuwait sa tunga sang quarantine.

Suno kay Mayla, ginsugdan niya ang pagtahi sang masks bangod wala man sang anuman nga tindahan nga nagabaligya sa nasambit nga pungsod.

Gani, sang nagsugod nga ginpatuman ang malapad nga lockdown bangod sa COVID-19 pandemic, iya ginsigudan ang pagtuon sang pagpanahi pinaagi sa video tutorials.