Bangkay na sang masapwan sang mga pulis ang Pinoy nga suldado sa Fort Hood US army base sa Killeen, Texas.
Taga Davao City ang biktima nga si US Army Private Mehjor Morta, 26 anyos, nakadestino sa 1st Batallion 5th Cavalier Regiment, 2nd Armored Brigade Combat Team Cavalry Division.
Si Morta ang ikatatlo nga US soldier nga nasapwan patay sa Fort Hood sugod sadtong Hunyo kung sa diin, nakita nga may foul play sa pagkapatay sang nauna nga dowa ka biktima.
Wala pa sang ginpaguwa nga findings ang mga otoridad kung ano ang rason sang kamatayon ni Morta samtang ginahibalo pa sang mga imbestigador kung may kaangtanan ang kamatayon ni Morta sa dowa ka biktima.
2019, sang nag-intra sang US Army si Morta, kag sa malip-ot lang nga panahon sang ini ang ginhatagan sang nagkalain-lain nga award kaangay sang Global War on Terrorism Service Medal, National Defense Service Medal kag Army Service Ribbon.
Nagpalab-ot na sang simpatiya ang Pentagon sa pamilya Morta nga nagatinir sa Florida.
