Pinoy pilason, samtang nagaluntad ang kinagamo sa Sudan

Ginkumpirmar sang Department of Foreign Affairs (DFA) nga isa ka Filipino national ang nasamaran sa pungsod Sudan, samtang nagapadayon ang engkwentro sa tunga sang grupo sang duha ka mga military generals.

Sa report sang GMA News, ginpahibalo man sang DFA – Office of the Undersecretary for Migrant Workers Affairs nga yara na sa maayo nga kondisyon ang Pinoy nga wala na ginhingadlan pa sa report.

Kapin sa 400 ka mga Filipino national ang yara sa Sudan, nga posible maapektuhan sang nagaluntad nga kinagamo.

Nagsugod ang giyera sa grupo sang military kag para military sa nasambit nga pungsod sang tinalikdan nga sabado, sa diin 300 na ka mga persona ang nagkalamatay kag 2,600 naman ang nasamaran.