Monday, September 26, 2022

Plakard Nga May Naka Sulat “El Vigilante, Drug Lord Warriors” Nakita Sa Tupad Sang Bangkay Nga Nasapwan Kaina Sa Brgy. Banago

- Advertisement -

Halos indi na makilal-an ang biktima sa pagpaniro kaina sang aga sa Circumferencial Road, Purok Riverside, Brgy. Banago bangud sa igo sang mga bala sa ulo gikan sa M16 armalite rifle.

Suno kay Police Major Richard Fajarito, hepe sang Bacolod Police Station 3 nga ila na identify ang biktima nga si Mark Anthony Cubos residente sang Brgy.4 siudad sang Bacolod pinaagi sa driver’s license nga nakuha sa bangkay sini.

May yara pa sang nakuha nga plakard sa tupad sang biktima nga may nakasulat “El Vigilante, Drug Lord Warriors” kag sa likod nakasulat naman ang “Sige sige pa, sigeha niyo pa, interes palang ni sa sini nga bulan”.

- Advertisement -

Nakarekober man sang 26 ka empty shells sang M16 sa crime scene ang Scene Of the Crime Operatives (SOCO) kag ang biktima ang nakabaklid, naka posas ang mga kamot, nahigtan ang mga tiil sang tela kag naputos man ang ulo sang tela.

Ginahibalo paman ni Fajarito kun drug related ang ini nga kaso bangud si Cubos ang nangin biktima man sadto sa pagpaniro sa atubang sang Trinity Christian School sa Villa Angela Subd. Brgy. Villamonte sang tinalikdan nga Setyembre 18.

Padayon paman nga ginausisa sang kapulisan kun may yara sang nakakita sa natabo nga krimen agud makabulig sa pag-identify sa mga suspetsado.

- Advertisement -
Jinn Siatita
Jinn Siatita
Jinn Siatita, a radio reporter and a news writer in one of the local FM radio stations in Bacolod. Honed by the best and molded by experts.

Related Articles

Leave a Reply

Stay Connected

0FansLike
- Advertisement -

Latest Articles