Priso ang isa ka pulis sa Pandan, Antique matapos nagpalupok sang pusil sa Barangay Tingib.
Ginkilala ang pulis kay PSSg Jhune Alvarez nga naka-assign sa Pandan Police Station.
Nahibaluan nga nagpadulong sa Pandan PNP ang iloy sang asawa sang pulis agud magpangayo sang bulig bangod naga-inaway ang mag-asawa nga nagsugod lang sa paghinay sang internet connection samtang nagahampang ang pulis sang mobile legends.
Nagsiling pa ang pulis sa iya asawa nga indi mag-youtube bangod nagahinay ang internet tubtob nga nagsabtanay na sila nga duwa.
Nag-responder ang mga pulis sa puluy-an ni Alvarez agud estoryahon ini apang, wala ini nagapamati tubtob nga nagpalupok siya sang pusil.
Gindakop sang kapulisan si Alvarez kag napasakaan sang kaso kriminal kag wala pa sang pyansa.
Gin-relieve naman ini kag gin-assign sa Internal Affair Service samtang nagapadayon pa ang imbestigasyon.
