Nagahanda na ang nagkalain-lain nga ahensya sang pamahalaan sa posible nga krisis sa tubig nga tuga sang El Niño, isa ka weather phenomenon kun sa diin talagsa na lamang ang pag-ulan nga nagadala sang tigpalamangag.
Sa report sang Remate, ginpahayag ni Sevillo D. David Jr., executive director sang National Water Resources Board, naki-angut na ang iya ahensya sa Metropolitan Waterworks and Sewerage System, National Irrigation Administration, kag iban pa nga ahensya para sa contingency plan agud malikawan ang na-eksperiensia nga krisis sa tubig sadtong 2019.
Suno sa PAGASA, posible nga magsugod ang El Niño sa ikatatlo nga bahin sang 2023 ukon sa tunga-tunga sang Hulyo kag Setyembre, nga magadugay tubtob 2024.*