Matapos nga na detect ang mga kaso sang Delta COVID 19 variant sa Pilipinas, indi na magduha duha pa si Presidente Rodrigo Duterte nga ipaidalum sa pinaka strikto nga quarantine status ang mga lugar sa Pilipinas.
Suno kay Presidential Spokesman Harry Roque, nagasalig ang pangulo sa mga opinyon sang mga eksperto gikan sa DOH kag NTF okon National Task Force Against COVID.
Una diri, gin report sang mga Health Authorities nga nagasaka ang kaso sang Delta COVID 19 variant sa Pilipinas.Tatlo naman ang nabawian sang kabuhi bangud sang Delta variant infection.Kasunod sini, ginpaidalum sang pangulo sa Enhanced Community Quarantine ang Iloilo province, Iloilo City, Cagayan de Oro kag Gingoog City sa Misamis Oriental.
Ginhingyo naman sang pangulo ang kooperasyon sang mga lokal nga panguluhan angut sa implementasyon sang quarantine status.
Statement of Presidential spokesman Harry Roque:“Ang hinihingi lang po ng ating Presidente, lalung-lalo na sa mga lokal na pamahalaan ay ang kanilang kooperasyon. Hindi naman po tayo mag-i-impose ng ECQ kung wala pong dahilan”.
