Nagsaka na ang presyo sang pila ka tinapay sa pungsod tungod sa pagmahal sang sangkap sini kaangay sang kalamay kag itlog, suno sa isa ka grupo sang manugtinapay.
Ginpahayag ni Asosasyon sang Panaderong Pilipino President Chito Chavez nga partikular nga nagsaka ang presyo sang mga cake kag pastries kaangay sang ensaymada kag mamon.
Nagdangat sa tubtob P2 ang gindugang sa presyo sang cake kag pastries.
Dugang pa ni Chavez, indi pwede buhinan sang mga manugtinapay ang paggamit sang kalamay kag itlog bangud ini ang mga nagapanguna nga sangkap sa nasambit nga produkto.
Sa karon, indi pa man apektado ang presyo sang pandesal apang posible man nga magasaka ini kun magsaka man ang presyo sang mga nagapanguna nga sangkap.*