Ginkumpirmar sang Department of Agriculture okon DA nga bastante ang suplay sang bugas kag kalamay sa Pilipinas tubtub sa masunod nga tuig.
Suno sa DA nagnubo na ang presyo sang refined sugar sa P95 kada kilo gikan sa P120 kada kilo sa pila ka mga balaligyaan.
Nagapati ang ahensya nga mahimo pa nga magnubo sa tubtub P90 kada kilo ang presyo sang kalamay.
Padayon man nga nagapakig-angut sa mga local traders ang Sugar Regulatory Authority okon SRA, angut sa presyo sang kalamay sa pungsod.*