Presyo sang sibuyas bombay sa Western Visayas, wala sa gihapon naganubo

Wala sa gihapon naganubo ang presyo sang red onions sa Western Visayas sumugod sang Bag-ong Tuig.

Sandig sa monitoring sang Department of Agriculture 6, sa nagapanguna nga merkado sang rehiyon, ang consolidated prevailing retail price sang red onions ang yara sa P500 kada kilo.

Mas mataas ini kumparar sa P400 kada kilo sang red onions base sa consolidated prevailing retail price monitoring sadtong Disyembre 2022.

Samtang, ginpahayag naman sang mga wholesale provider sang red onions nga nagasaka sa gihapon ang presyo sang nasambit nga produkto rason nga indi sila makapanubo sang presyo sa mga retailers.*