BACOLOD CITY– Ginpahayag ni Governor Eugenio Lacson nga luyag liwat makigbahin ang probinsya sa Masskara Festival kun paga-imbitaron sang mga opisyales sang Bacolod.
Suno kay Governor Lacson, nagapasalamat ang probinsya sa imbitasyon sang Bacolod City nga nangin kabahin ang tanan nga mga siudad kag banwa sang Negros Occidental sa una nga tion sang “Masskara sa Panaad” nga nagtakop sadtong Oktubre 16.
Dugang pa ni Lacson, nangin preparasyon man ini sa tagsa ka mga Local Government Units (LGUs) para sa Panaad sa Negros sa maabot nga Abril 2023.
Ginpahayag man ni Lacson nga ginatun-an man sa karon sang probinsya ang pagpatigayon sang regular nga mga hilikuton sa Panaad Park and Stadium.
Nahibalu-an man nga may ginaduso nga proposed ordinance si Councilor Jason Villarosa, Chairman sang Committee on Tourism nga iga-permanente ang pagpatigayon sang Masskara sa Panaad.*
