Mas mataas sa P4.2 bilyones pesos nga budget karon nga tuig ang ginaduso nga budget sang probinsya para sa 2021.Suno kay Provincial Administrator Atty. Rayfrando Diaz indi pa niya mapat ud kun pila ka porsyiento ang ginsaka sang proposed annual budget para sa 2021 pero ginapaabot nga sa sini nga semana mapirmahan ini Governor Eugenio Jose Lacson antes sang deadline sa Oktubre 15.
Dako nga portion sang pondo suno kay Diaz ang makadto sa Personal Services.Ang kaundan sang budget proposal ang natalana magaagi pa sa deliberation sa session Sangunian Panlalawigan.Balantayan pa ini kun ano nga mga priority project sang administration ang may dako nga pondo.
Samtang, ginsiling man sang provincial administrator nga may balatunon nga bonus kag iban pa nga benepisyo ang mga empleyado sang kapitolyo para sa nagahilapit nga paskwa.Apang indi kasubong sang nagligad mahimu mabuhinan ang ginapaabot nga pondo para sa bonus kay ginakinahanglan man sang probinsya nga magkinot tuga sang epekto sang covid 19 pandemic.
