Patay ang isa ka pulis matapos ginluthang sang iya parehas nga pulis samtang naga-inom inom sa Brgy. Commonwealth, Quezon City sadtong Mayo 30, suno sa Quezon City Police District.
Ginkilala ang biktima nga si P/Cpl. Higino Wayan nga anay naka-assign sa Kamuning Police Station.
Tatlo naman ka suspek ang gin-identify sang mga otoridad nga sanday P/Cpl. Sherwin Rebot, P/Cpl. Harold Mendoza, kag civilian driver nga si Lorenzo Lapay.
Base sa inisyal nga imbestigasyon, ginsiling ni Lapay nga ginkuha ni Wayan ang service firearms ni Rebot kag ginpalupok ini sa iya kaugalingon.
Apang, sa padayon nga imbestigasyon, gin-aku ni Lapay nga ginluthang ni Rebot si Wayan.
Dugang niya pa, nga nag arm wrestling sanday Rebot kag ang biktima samtang nagapahuway si Mendoza.
Gintiro ni Rebot ang biktima sadtong mapierde siya sini.
Pagakasuhan si Rebot sang murder kag illegal possession of firearms and ammunition bangod may gin-uyatan ini nga unlicensed firearms.
Murder by conspiracy kag obstruction justice naman ang atubangod nanday Mendoza kag Lapay.
