BACOLOD CITY– Patay ang isa ka pulis kag ang suspek matapos nagbayluhanay sang lupok gamit ang pusil sa Caloocan City.
Nagluntad ang insidente sa isa ka subdivision sa Barangay 177, North Caloocan.
Base sa inisyal nga imbestigasyon sang kapulisan, naka-inom sang makahulubog nga ilimnon ang suspek sa Barangay Pasong Putik sa Quezon City samtang yara sa namatyan kag nagpalupok ini sang pusil sa wala mahibalu-an nga rason.
Suno kay Colonel Vicente Bumalay, kumander sang Quezon City Police District Station 16, sang makabaton sang impormasyon ang kapulisan, gilayon nagkadto ini sa balay sang suspek.
Sang paglinukpanay, naigo ang suspek kag ang duha ka kapulisan.
Suno naman kay QCPD Director Brigadier General Nicolas Torre III, patay ang suspek kag ang isa ka pulis.*
