Yara sa P150,000 ang mabaton sang pamilya sang mga pulis nga mapatay samtang ginatuman ang ila serbisyo ukon ang ginatawag nga “killed in action”.
Ini ang halin kay PNP Chief PGen. Debold Sinas matapos ang ginpatigayon nga pirmahan sang Memorandum of Understanding sang PNP kag Cosmopolitan General Pre-Need Agency, Inc. (CGPAI) kag Cosmopolitan Climbs Life Plan Incorporated (CCLPI).
Suno kay Sinas, katuyuan sang agreement nga mahatagan sang kasiguraduhan ang kada pamilya nga mabilin sang mga pulis samtang nagatuman sa ila nga serbisyo.
Dugang pa ni Sinas nga mabudlay sa pamilya sang mga napatay nga pulis nga madulaan sang pinalangga sa kabuhi kag ilabi na sa tanan ang pang-gastos sa pagpalubong.
Ginpasiguro ni Gen. Sinas ang gilayon nga pag-release sang burial assistance sa mga nabilin sang mga baganihan nga pulis agud makabuhin sa ila problema sa tion sang ila pagpangasubo.
