Na-absuwelto sa tatlo ka kaso nga ginpasaka sang Criminal Investigation and Detection Group (CIDG) Bacolod may angut sa anomaliya sa tagtanay sang SAP si Punong Barangay Degie Tanista sang Barangay Alangilan kag 20 ka iban pa sini nga mga kaupdanan.
Sa resolution nga ginpaggwa nakasaad diri nga wala naga-agree ang korte sa mga complainant kag wala ang mga ini sang nakit-an nga irregularidad sa procedure sang respondents nga nasaad man sa ila nga counter-affidavit.
Nahibaluan nga sang tinalikdan nga mga binulan ginpasakaan sang kaso nga RA 3019 ukon Anti-Graft and Corrupt Practices Act, RA 6713 ukon Code of Conduct and Ethical Standards for Public Officials and Employees kag RA 11469 ukon Bayanihan to Heal as One Act sanday Kapitan Tanista kag ang 20 sini ka miyembro sang Barangay Selection Team sa Brgy. Alangilan.
