Naglab-ot sa 31 tanan ka mga pamilya ang apektado sang ginpatuman nga “lockdown” sa Purok Seaside,Barangay Tangub sa siudad sang Bacolod ,las 4:00 sini gid lamang nga hapon, martes, Hulyo 21.
Matandaan nga residente sang Barangay Tangub ang isa ka empleyado sang General Services Office okon GSO nga nagpositibo sa coronavirus disease 19.
Gindala na sa quarantine facility ang utility worker sang siudad nga infected sang virus.
Base sa pagpangusisa sang Radyo Bandera, isa sa mga utod sang utility worker ang nagpabutyag nga nabudlayan ini mag ginhawa.
Natalana nga ipaidalum sa swab test ang kapin sa 15 ka mga persona nga ginapatihan nakaangkon sang “close contact” sa nagpositibo nga utility worker.