Gin-extend ang pagparehistro sang mga commercial establishment sa BaC-Trac System sa Bacolod City suno kay Liga ng mga Barangay President Lady Glez Gonzales-Pallen sa exclusive interview sang Radyo Bandera.
Dugang pa sini, hatagan anay sang oras ang pumuluyo sang Bacolod nga makaparehistro bangod kung kis-a may problema sa BaC-Trac system.
Suno pa kay Lady Glez Gonzales nga ang BaC-Trac system ang makabulig sa pagpadasig kag pagpahapos sang contact tracing.
Samtang, may BHERTS nga naka-asayn sa offline registration para sa mga wala sang internet access kag cellphone kag padayon sa karon ang pagtudlo sa mga barangay encoders.
Sa piyak nga bahin, nagpabutyag naman sang opinion si Lady Glez Gonzales angot sa iya na-obserbaran sa kaso sang COVID-19 sa Bacolod City sa diin, naganubo na suno sa iya ang kaso sang mga nagapositibo sa COVID-19.
