Tuesday, May 21, 2024

Rider Nakuhaan sang Ginasuspetsuhan Shabu sa Checkpoint sa Don Salvador Benedicto

- Advertisement -

Isa ka rider ang nakuhaan sang ginasuspetsuhan shabu sa checkpoint operation sa Purok Paglaum, Barangay Kumaliskis sa banwa sang Don Salvador Benedicto, Negros Occidental.

Hana pa kuntani malagyo ang suspetsado nga si Rowel Rebatado, 24-anyos kag residente sang Barangay Bunga sa Don Salvador Benedicto, apang ini ang nahingagaw butong sa pulis.

Sandig sa report sang Don Salvador Benedicto Police Station, may duha ka mga motorsiklo nga naga isi-isi samtang nagapatigayon sila sang checkpoint operation.

- Advertisement -

Na-obserbaran sang mga kapulisan nga ang mga drayber ang yara sa impluwensya sang makahulubog nga ilimnon kag ini ang gulpyada lang nanaog sa ila motorsiklo.

Sang manugpalapit ang mga kapulisan, ang duha ang naghingagaw palagyo.

Ang isa sa mga drayber nga ginkilala lang kay alyas “Tata” ang nagdalagan kag naglumpat sa pil-as.

Samtang nadakup naman si Rebatado kag nakuha sa iya ang tatlo ka heat-sealed transparent plastic sachets sang ginasuspetsuhan shabu, isa ka tooter nga may residue pa sang iligal nga droga kag iban pa nga drugs paraphernalia.

Ginabulubanta P6,800 ang balur sang ginasuspetsahan shabu nga nakuha kay Rebatado.

Nagpatigayon naman sang search and rescue operation ang kapulisan sa nalagyo nga si alyas “Tata” apang ini ang wala na nakita sa area.*

- Advertisement -
Shiela G. Gelera
Shiela G. Gelera
Shiela G. Gelera is a Bacolod City/Negros Occidental-based journalist who has covered various beats since she started her media career in 2013 up to the present. She had worked with the oldest local daily newspaper in the Visayas before she hopped into the broadcast industry. Currently the news director of Radyo Bandera Sweet FM Bacolod. Aside from being with the local media outfit, she is also a news stringer for a national media network and a story contributor for a local news daily in Bacolod.

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles