Bacolod City, Negros Occidental-Sa live interview sang Radyo Bandera sweet FM Bacolod 103.9 kay Dr. Grace Tan, iya ginpalayag nga ginsiraduhan sa karon ang Room 1 sang City Health Office para sa disinfection.
Sa mga luyag magpakonsulta, bukas mga alas 9:00 sang aga tubtob las 12:00 sang ugto ang Bays Center para sa konsultasyon.
Sa piyak nga bahin, ginkumpirmar man ni Dr. Grace Tan ang local transmission nga nagaluntad sa karon sa syudad sang Bacolod rason nga nagpahanumdom ini sa mga Bacolodnon nga kung sin-o man ang makabatyag sang sintomas ukon trangkaso, likawan na ang paglagaw sa pampubliko nga lugar kag mag-absent sa trabaho agud indi maglapta ang virus kag malikawan ang paglaton.
Dugang pa sini, nga kinahanglan gid magsoksok sang facemask, faceshield kag magpati sa ginapatuman nga health protocol sang syudad.
