“BUNTIS PO AKO” Ini ang rebelasyon sang kapamilya aktres nga si Ryza Cenon. Suno kay Ryza, twenty weeks ukon lima ka bulan na ang iya ginabusong.
Kahapon June 30, sa isa ka interview, makit-an nga malipayon ang aktres sa iya nga pag-amin.
Nagdesisyon ang aktres nga aminon sa publiko ang tuod niya nga sitwasyon para indi niya kinahanglan ini nga taguon. Para sa iya, siya man gihapon ang mabudlayan kung taguon niya ini sa publiko. Dugang pa sang aktres, mas maayo para sa iya nga wala siya may ginaisip kung may gusto siya nga kadtuan or ubrahon.
Sin-o ang tatay? Segurado nga madamu gid ang mamangkot kung sin-o bala ang amay sang ginadala sang aktres tungod sa pila ka binulan wala man ini nabalitaan nga may bag-o nga karelasyon. Si Cholo Barretto ang matandaan nga ulihi nga nangin boyfriend ni Ryza.
Dugang pa nga pag-amin sang aktres, si Miguel Antonio Cruz, isa ka cinematographer halin sa Bacolod City nga naka-basi na subong sa Manila ang iya boyfriend sa subong. 7 months nga nangaluyag si Miguel sa iya.
Si Miguel ang cinematographer sang mga pelikula nga Mission Unstapabol: The Don Identity (2019), The Girl in the Orange Dress (2018), kag T’yanak (2014).
Ang teleserye nga The General’s Daughter ang ulihi nga proyekto sang aktres.
