Matapos sang duha ka tuig nga pahuway bangud sa COVID-19 pandemic, nagbalik bilang isports ang sailing sa Taal Lake Yacht Club sa Talisay, Batangas.
Ang nasambit nga lugar ang nangin host sa 2022 Philippine Hobie 16 National Championships kag kilala bilang pinakamadugay nga sailing tournament sa pungsod.
Ginkilala ang TLYC bilang “sailing mecca” sang Pilipinas bangud sa manami nga palibot.
Sa ika-24 nga edisyon, nagapanguna sa kompetisyon si Michael Ngu, isa ka ophthalmologist sang Manila Doctors Hospital, sumunod naman si Glenn Everett isa ka general manager sang Sunpower Philippines apang yara sa ika-tatlo nga pwesto si Dennis Cruz, isa man ka ophthalmologist sang Philippine Eye Doctors Association.
Ginpangunahan naman nanday Peter Capotosto kag Jazmine Lucero ang Governor’s Cup.
Ang Governor’s Cup ang isa ka bag-o nga singles format nga nagalibot sa Taal Volcano.
Ginpasidunggan naman ang kompetisyon bangud nagapakita ini sang potensyal sa turismo sang isports.
Nagsugod ang Hobie 16 National Championships sadtong 1995 sa TLYC.*
