Salingogon tree sang Sierra Madre nagpamuskad kaangay sa cherry blossoms sang Japan

SIERRA MADRE– Sikat karon sa Sierra Madre ang salingogon tree matapos nagpamuskad ini kaangay sa cherry blossoms sang Japan.

Makita ang salingogon tree sa kagulangan sang Masungi Georeserve.

Ang nasambit nga puno ang isa ka native species sa Pilipinas nga may kataason nga 140 ka tapak.

Nagapamuskad ang salingogon tree sa bulan sang Marso tubtob Abril nga kapareho man sang pagpamuskad sang sakura tree ukon cherry blossoms sa Japan.

Nalakip sa ginakaatubang nga problema sang Sierra Madre amo ang pagpadako sang puno bangud sa climate change, illegal logging kag quarrying.

Nagalaum naman ang mga park ranger nga mangin madamo pa ang salingogon tree sa Sierra Madre.*