Plano sang Saskatchewan sa pungsod Canada nga magkuha sang healthcare worker halin sa Pilipinas agud mapabaskog ang ila healthcare system.
Sa ginpaguwa nga pahayag sang Canadian Embassy, ginsiling nga pagahimuon sang Saskatchewan ang recruitement sang mga Pinoy nga healthcare worker sa sulod sang duha ka tuig.
Full-time jobs ang ginatanyag sa mga pagakuhanon nga registered nurses, licensed practical nurses, continuing care assistant kag medical laboratory assistants.
Ang Saskatchewan ang una nga probinsya sa Canada nga nagsugod sang programa agud maghanas kag magkuha sang eligible nurse nga gikan sa Pilipinas.
Ang asawa ukon bana sang mabaton nga healthcare workers amo ang buligan nga makapangita sang iban nga trabaho sa Saskatchewan, kun diin ginasiling nga naga-istar ang 33,000 nga Pinoy sa nasambit nga lugar.
Una na nga nagpirma ang ang Pilipinas Province of Alberta, Canada sa kasugtanan nga pabaskugon man ang pagbulig sa kahimtangan sang Filipino nurses sa lugar, suno sa Department of Foreign Affairs.
“We want to spread the word to health-care workers in the Philippines that our province is a place of great opportunity. We would love to welcome into our friendly Saskatchewan communities health-care workers from the Philippines who are interested in coming to work and live here along with their families,” suno kay Minister of Mental Health and Addictions, Seniors and Rural and Remote Health Everett Hindley.
via GMA
