Ginahangkat ni Interior Secretary Benhur Abalos ang pila ka mga Philippine National Police officials nga magpasa sang leave of absence sang isa ka semana samtang ginahulat pa ang imbestigasyon may angut sa P6.7 bilyones nga “shabu” haul halin sa isa ka pulis sang nagligad nga tuig.
Suno kay Sec. Abalos, may mga opisyales nga nag-attempt nga tabunan ang pagkadakop kay Sgt. Rodolfo Mayo nga nakuhaan sang tonelada nga “shabu” sang tuig 2022.
Gin-release naman ni Sec. Abalos ang mga pangalan sang mga kapulisan kag tatlo pa gid ka mga imbolbado sa pagtabon kay Mayo, amo sanday:
Deputy Chief PNP for Operations PLtGen Benjamin Santos Jr.
PDEG Director Narciso Domingo
PDEG SOU Region 4A Chief PCol Julian Olonan
PDEG SOU Region 4A Arresting Team Head PCpt Jonathan Sosongco
PDEG SOU NCR OIC PLtCol Arnulfo Ibañez
PDEG SOU NCR Deputy Chief PMaj Michael Angelo Salmingo
QCPD PLtCol Glenn Gonzales
PDEG Intelligence Officer PLt Ashrap Salmingo
Manila Police District Moriones Station Commander PLt Harry Lorenzo III
PDEG SOU 4A Intelligence Chief PCpt Randolph Piñon
Ginapangayo man ni Sec. Abalos ang leave of absence nanday Police Master Sgt. Lorenzo Catarata, Police Senior Master Sgt. Jerrywin Rebosora, Police Staff Sgt. Arnold Tibay kag Patrolman Peter Gular.
Si Abalos ang may hawid sang CCTV footage nga nagasuporta sa reports nga ginhatag sang PNP.
Dugang pa ni Abalos nga kun indi mag-file sang leave of absence ang mga police officials, sila ang igasuspend sa pwesto.*