- Advertisement -
BACOLOD CITY– Patay ang 63-anyos nga lalaki matapos ginluthang sa gina-rentahan niya nga balay sa Barangay Baesa, Quezon City takna las-4:00 kaina sang aga.
Suno sa barangay tanod, isa ka concerned citizen ang naghatag sang impormasyon angut sa pagpatay sa senior citizen.
Apat ka lupok ang nabati-an sang mga residente.
- Advertisement -
Dugang pa, duha ka lalaki ang nakita sang mga residente nga nag-guha sa sulod sang balay sakay sa motorsiklo.
May igo sa ulo ang biktima nga gintunaan sang iya kamatayon.
Sadtong Nobyembre 12, gin-aresto sang kapulisan ang anak sang biktima matapos makuha-an sang iligal nga droga.
Nagapadayon naman ang imbestigasyon sang kapulisan angut sa insidente.*
- Advertisement -
