Isa ka simbahan karon sa Seoul South Korea ang nangin bag-o nga epicenter sang coronavirus infections nga nagdangat na sa kabug-usan nga 676 cases nga natrace subong gid lamang nga Huwebes sang hapon.
Masobra 3, 200 ka tawo sa amo nga simbahan ang ginpaidalomsa test kag ginamonitor sa karon sang public health agency ang iban pa nga nagbisita sa rally sa Seoul tinalikdan nga Sabado matapos nga nakigbahin man ang pila ka miyembro sang nasambit nga simbahan.
Nakarekord sang 288 news cases sang virus subong nga adlaw ang pungsod, sa diin 276 diri ang domestically acquired. Sa 276, 135 diri ang natrace sa Seoul kag 85 naman ang yara sa palibot sang Gyeonggi Province, suno sa Korea Centers for Disease Control and Prevention.
Hugot naman sa karon nga ginapatuman ang social distancing sa metropolitan area samtang ginmando naman nga pasirad-an ang mga karaoke parlors kag clubs subong man ang pag-ban sa church service matapos nga magsaka ang kaso sang virus umpisa tinalikdan nga semana.
