- Advertisement -
“Just Ants” , ini ang ngalan sang “pet shop” sa Singapore nga nagabaligya sang nagkalain lain nga klase sang subay nga nagalab-ot sa bili nga 200 Singaporean dollars.
Suno sa negosyante nga si John Ye, luyag niya nga magbag-o ang negatibo nga paglantaw kag pagkilala sang mga pumuluyo sa subay.
Para sa kalabanan, isa ka peste ang subay , apang para kay Ye, may kapuslanan kag may misyon ang mga magagmay nga mga insekto sa ecosystem.
- Advertisement -
Indi lamang ang mabulig sang subay sa ecosystem ang ginadayaw ni Ye , kundi ang kina-iya mismo sang nasambit nga insekto.
Kalakip sini nga kina-iya amo ang pagka mapa-inubuson , pagka pursigido kag pagka determinado sang subay.
Sa karon, ginadagsa na sang mga bumalakal ang pet shop nga “Just Ants” sa Singapore.
- Advertisement -
