Talisay city hall temporaryo nga seraduhon buas nga adlaw agud I-disinfect, kag liwat nga magabukas sa Agosto 3 matapos mag-process sang business permit ang isa ka residente sang Bacolod kag nagpositibo sa COVID-19!

Ginpahayag ni Talisay City Mayor Neil E. Lizares, III nga temporaryo nga pagaseraduhon ang ila nga City Hall agud ipatigayon ang pagdisinfect, ini matapos nga ginaalegar nagkadtu sa ila nga talatapan ang nagpositibo sa COVID-19 sa Bacolod agud mag-process sang business permit.

Ini agud mapasegurado ang kahimtangan sang mga empleyado kag sang mga Talisaynon sa nasambitan nga virus.

Ginalauman naman nga magabukas liwat ang talatapan sa maabot nga Agosto 3 para sa regular nga transaksyon.