Gindakup ang tatlo ka lalaki matapos gina-alegar nga nagpakuno-kuno nga miyembro sang Manila Traffic Parking Bureau (MPTB) agud makapangilkil.
Suno sa Manila Police District, nakabaton sang mga reklamo ang opisina sang MTPB nga may tatlo ka lalaki nga nagpakilala bilang ila tinaho.
Gindugang pa sang MPD, posible nga sa Road 10 sa Tondo ang ginpili nga lugar sang suspek kun diin himuon ang ila nga modus bangud madamo nga truck ang naga-agi diri kag ini man ang nagaserbe nga entry kag exit points sang mga salakyan nga halin sa naaminhan kag nabagatnan nga bahin sang Metro Manila.
Gina-imbestigaran pa sang MPD kun diin nagpahimo ang tatlo ka suspetsado sang uniporme.
Wala naman naghatag sang pahayag ang mga suspetsado nga nagapangatubang sa kaso nga robbery, extortion kag unsurpation of authority.
via GMA
