Tatlo ka mga kabataan nagkalamatay, matapos nga mahulog sa matugnaw nga tubig sang sapa sa England

Patay ang tatlo ka mga kabataan kag yara sa kritikal nga kondisyon ang isa pa, matapos nga mahulog sa sapa nga halos naga “ice” na sa Birmingham, central England.

Nagluntad ang insidente sa Babbs Mill Park sa Solihull, Lunes sang hapon.

Gin atake sa korason ang kabataan kag gindala sa ospital, sang makuha na sa tubig nga halos naga “ice” na, apang wala na masalbar ang ila kabuhi.

Naga edad pa lamang sang walo, napulo kag onse anyos ang mga kabataan nga nagkalamatay, samtang, naga edad pa lamang sang anum ka tuig ang isa pa ka biktima nga yara sa kritikal nga kondisyon.

Nagluntad ang trahedya, samtang nagabubu ang snow sa United Kingdom nga nagsablag man sa byahe sang mga salakyan.*