Naulamid ang tatlo ka mga balay sa nagluntad nga sunog sa Purok Paho, Barangay Taculing, siudad sang Bacolod subong nga udto sang Martes, Setyembre 26, 2023.
Base sa pagpangusisa sang Radyo Bandera Bacolod, ginkilala ang tag-iya sa isa ka natupok nga balay kay Ebon Celestial, 47-anyos, kag miembro sang Solid Radyo Bandera Supporters (SORABS).
Suno kay Celestial nga sang nag-igrab na ang kalayo, nabilin ang iya duha ka tuig nga anak sa duyan apang nahingagaw niya ini dala pagguwa sa ila nga balay.
Bangud sa tuman nga exposure sa asu, nagpulula ang nawong sang bata ni Celestial apang sa karon yara na ini sa maayo nga kondisyon.
Gilayon naman nga nagresponde ang mga bumbero kag ambulansya sa ginluntaran sang aksidente. Sa karon, madamol nga asu na lamang ang makita sa lugar.
