Nakaangkon sang mga igo sang bala sa tiil kag lawas ang tatlo ka persona lakip na ang isa ka menor de edad matapos ginpangluthang sa Barangay Inolingan, banwa sang Moises Padilla alas 9:30 kagab-e, Hunyo 1,2021.
Ginkilala ang mga biktima nga sanday Jeno Saldo, 11 anyos, Normal Saldo, legal and edad lunsay residente sang Brgy. Minoyan banwa sang Murcia, kag Joel Escaner, 41 anyos residente sang Sitio Tuko, Brgy. Inolingan, Moises Padilla.
Sa nakalap nga impormasyon sang Radyo Bandera, nagabantay ang mga biktima sa kampo kag nagapahuway-huway sa kamalig sang sila ang ginsulod sang suspek kag ginpabarakan tiro.
Gindala ang mga biktima sa pribado nga hospital sa Bacolod City kag ginadapatan sang nagakaigo nga pagbulong.
Sa karon, may person of interest na ang mga kapulisan apang on-going pa ang imbestigasyon angot naman sa motibo sa amo nga insidente.
