JAKARTA, INDONESIA– Nakakuha sang una nga puntos ang teams sang Blacklist International kag Echo Philippines sa una nga match sa M4 World Championships Mobile Legends Bang Bang Tournament nga ginhiwat sa Jakarta, Indonesia.
Nagdaug ang Blacklist batok Incendio Supremacy sang Turkey kag ginlutos naman sang Echo ang RRQ Hoshi sang Indonesia.
Ginkilala bilang Most Valuable Players sanday Danerie James “Wise” Del Rosario sang Blacklist kag Alston “Sanji” Pabico sang Echo.
Ginpangunahan sang Blacklist ang nasambit nga kompetisyon nga nagsugod sadtong adlaw sang bag-ong tuig, Enero 1, 2023.
Matabo naman ang masunod nga hampang sang Blacklist takna las-5:00 sang hapon batok Burn X Flash sang Cambodia kag takna las-7:00 sang gab-I batok Falcon Esports sang Myanmar.
Apang paga-atubangon naman sang Echo buwas nga adlaw, Miyerkules, Enero 4 ang teams sang Occupy Thrones sang MENA kag RSG SG sang Singapore.
Ginkilala naman ang Blacklist International bilang M3 World Champions.*