Tuman ang kalipay nga nabatyagan sang volleyball veteran nga si Tots Carlos matapos ginkilala bilang Finals Most Vauable Player sa nagtakop nga Premier Volleyball League All Filipino Conference kagab-i, Huwebes, Marso 30, 2023.
Ini na ang ika-tatlo nga MVP title ni Carlos sa nasabit nga liga.
Patas na si Carlos kag lunsay teammate nga si Alyssa Valdez nga nakabaton sang tatlo na ka MVP awards.
Apisar nga nag-ilis role si Carlos humalin opposite spiker sa open spiker, nakuha gihapon niya ang MVP award.
Si Carlos ang yara sa ika-anum nga pwesto sa PVL Elimination Round nga may kabilugan nga 111 points, 37.21% spiking rate, 0.36 aces per set kag 38.37 percent efficiency sa receive.
Pahayag pa ni Carlos nga nalipay man ini sa ila team nga Creamline Cool Smashers matapos makuha ang ika-anum nga kampeonato.
“We’re really grateful for the team for not giving up. Lalo sa coaching staff, hindi kami tinigilang iremind na maglaro lang kami. Talagang nilaban lang namin today, lalot maraming tao, suporta from the fans,” suno kay Carlos.*
