Halos indi na makatindog ang isa ka babayi nga traffic enforcer sang Metropolitan Manila Development Authority (MMDA) matapos ini naguyudan sang pampasahero nga bus sa EDSA sang Miyerkules, Setyembre 7.
Suno sa imbestigasyon, gina-alegar nga nagabalabag ang bus sa karsada kag ginsaway ang drayber sang enforcer nga si Leslie Vergara.
Sang wala naghalin ang bus, ginpalapitan ni Vergara ang drayber agud pangayuon ang lisensya sini.
Didto na ginpaandar sang drayber nga si Allan Reodique ang bus rason nga nasab-it ang nawala nga tiil ni Vergara kag naguyudan sang nasambit nga salakyan.
“Sabi ko, kuya akin na po ‘yung license mo. Kanina pa kita pinapaalis. Tapos biglang may sinasabi po siya na hindi ko maintindihan kasi maingay po,” suno kay Vergara.
Depensa naman ni Reodique, wala sini natalupangdan ang enforcer kag nakahanda ini nga sabton ang tanan nga galastuson sa pagpapabulong ni Vergara.
Nagapangatubang naman sa madamo nga reklamo ang drayber bangud sa insidente nga nagtuga man sang temporaryo nga huol sa trapiko sa north-bound lane sa EDSA.
“Hindi ko na po siya napansin kasi may pasaherong bumababa, hindi ko naman inabante, gumugulong ‘yung sasakyan… Hindi ko naman po napansin na pinapaalis ako kasi nasa likod siya,” ginpahayag sang ni Reodique.
