Tricycle driver naghikog sa Himamaylan

HIMAMAYLAN, NEGROS OCCIDENTAL– Gin-utas sang isa ka tricycle driver ang kaugalingon nga kabuhi sa Purok 2, Barangay Sara-et, Himamaylan City, Negros Occidental kahapon, Hulyo 2, 2023.

Naga-edad ang biktima sang 33-anyos, lalaki kag residente sa nasambit nga lugar.

Suno sa report sang kapulisan, antes natabo ang pag-utas sang lalaki sa iya kaugalingon nga kabuhi, naga inom-inom siya kaupod ang iya pamilya.

Apang sang nagpaninlo ang katupad balay sang biktima, nasapwan na lamang ini nga nagaluhod kag may higot sang pisi sa iya liog.

Gilayon gindala ang biktima sa Governor Valeriano M. Gatuslao Memorial Hospital apang gindeklarar ini nga dead-on-arrival.*