Tricycle driver patay sa aksidente; duha kritikal

BACOLOD CITY– Patay ang 36-anyos nga tricycle driver apang kritikal naman ang duha matapos maaksidente sa Claveria, Cagayan Province.

Gindala ang mga biktima sa Northern Cagayan District Hospital sa banwa sang Sanchez, Mira apang ginbawi-an sang kabuhi ang driver kag kritikal naman ang estado sang duha ka pasahero.

Suno sa kapulisan sang Claveria, madasig ang pagpadalagan sang driver kag hinali nabunggo ang tricycle sa poste sang Barangay Taggat.

Bangud sa mabaskog nga pagbunggo, nagbulag ang sidecar sang tricycle.

Dugang pa sang kapulisan, ginapatihan nila nga hubog ang driver antes magluntad ang aksidente.*