Bacolod City, Negros Occidental – Sa live interview sang Radyo Bandera Sweet FM Bacolod 103.9 kay Alangilan Brgy. Kapitan Tanista nga nagapasalamat sila matapos gin-dismissed ang kaso batok sa iya kag ang mga upod sini nga 20 ka opisyales.
Apisar sang kalipay, ginpaathag man ni Tanista nga indi man sila dapat pagkasuhan bangod intsakto ang ila ginahimo sa tagtaganay sa SAP kag tanan ang nahatagan.
Apang bangod sa pamulitiko nga katuyuan, indi ma-ibitar nga sila ang i-akusar.
Dugang pa ni Kapitan Tanista nga ang mga anum nga nag file sang kaso ang halin man sa “middle class” kag posible kontra partido.
Pagpaathag naman ni Kapitan Tanista sa iya pumuluyo nga patas ang iya pagtratar kag serbisyo sa ila barangay.
Sa piyak nga bahin, luyag man magpasaka sang kaso sang mga opisyales nga ginreklamo bangod dako ang igo ukon damage sa ila pamilya matapos ang natabo nga pagpasaka sang kaso sa ila.
Samtang, gin-dismissed ang kaso kahapon nga adlaw batok sa kay Barangay Kapitan Tanista kag 20 ka iban pa bangod kulang sa ebidensya.