Nanindugan ang uploader sang viral video ni anay Comelec Commissioner kag karon P3PWD Representative nga si Atty. Rowena Guanzon, nga indi ang ila grupo ang nagbastos kag nagsakit sa hinablos sini sa tion sang Dinagsa Festival sa Cadiz City sadtong Domingo, Enero 29, 2023.
Suno kay Hyacinth Vallador, nagaselebrar sang piyesta ang iya nga grupo ukon pamilya sa higad sang dalan sang nakita nila si Guanzon nga ginawaslik ang baston bangud luyag niya nga hawan ang iya ginalabyan nga dalan.
Sang naglabay na si Guanzon sa ila nga ginatambayan, naigo sang baston ang isa ka miyembro sang pamilya ni Vallador kag nakasiling ini sang “ay” nga nangin otomatic sini nga reaksyon.
Didto na kag nagsugod nga nangturisok kag naghambal sang indi manami nga tinaga si Guanzon.
Ginpahayag ni Vallador nga antes pa matabo ang insidente, ginbastos kag ginkastigo ang hinablos ni Guanzon kag napaukpan lamang sila sang kaakig sini.
Gin-ako naman ni Vallador nga indi niya kilala si Guanzon bilang anay mayor sang Cadiz City, anay Comelec Commisioner kag partylist representative apang nakibot lamang sila sa nangin reaksyon sini.
Nanindugan naman si Vallador kag ang iya pamilya nga wala sila may ginhimo nga sala.
Suno pa sa iya, gin-post niya ang video sa Facebook agud magpakigbahin sang “awareness” nga indi buot silingon nga manggaranon kag ma-impluwensya ang isa ka tawo, wala sila sang kinamatarong nga pakanubuan ang ila isigkatawo nga pigado.
Yari ang caption sang video nga gin-post ni Vallador.
“HINDI NI TANI PALATULAN PERO TO SHARE AWARENESS SA TANAN!!
To share awareness lang ni sa tanan kay di gid ni dapat i tolerate. Kun may posisyun kaman gid kaluuy ka sumulonod mo kay amo ni batasan mo pwede ta ka excuse kay ga dagsa ang tawo pero ang mang hampak kag mang tuslok sang tungkod mo lain nana nga storya ya. may nasakitan na kag mang duro² kag buyayawon mo kami ano gid ya ang gna kaon mo nga wala namun gina kaon haw??
Tinulok tulok kalang sang mga kaupod mo.
Maam kun gustu mo hawan dalan mo wala ka tani nag kadtu sa DINAGSA!!
p.s kuddos to cadiznon kag sa mayor katawhay kag kanami ka party.❣️,”
Sa pihak nga bahin, yari naman ang post ni Guanzon kun sa diin iya ginpahayag nga may naghakos, naghikap sang sensitibo nga parte sang lawas sang iya hinablos kag nagkastigo pa.
“Happy naman ako kahapon sa #Dinagsafestival2023 pero nabeastmode ng to the highest level.
Biruin mo, pinapunta ko yung pamangkin ko papunta sa bahay ni para kumain. Tapos bandang street na namin, bigla ba namang may yumakap at humipo sa maselang parte ng katawan eh hindi naman sanay yung bata at nangatog at nung pinush yung gunawa at nadapa ay pinag susuntok na mga pamangkin. Mga 7 or 8 daw sila tapos may mga babae pang kasama na lasing na sumusuntok sa likod, na di naman nila pwede gantihan
Dami nilang wounds dahil sa gulo pero magagamot naman agad yun eh, ang pinakamalala dito eh yung trauma na binigay nila.
Nung nalaman ko yung nangyari, Siyempre super protective ang tita bing kaya nag super saiyan talaga ang lola mo, award sa kakatalak! Sa tanda kong to’ gusto pa ko patulan?!
Nasa jail na ang dalawa. And we are filing cases against them. Grabe ginawa nila.
Isa siguro yan sa dapat tutukan sa mga fiesta,
Iya pa gindugang nga wala dapat sang lugar ang kabastusan sa mga fiesta bangud mas malala ang emotional trauma nga dala sini sa biktima.
“Walang lugar ang kalaswaan sa mga fiesta, dahil mas malala ang emotional trauma na hatid nito sa biktima. Wala ding gender na pinipipi at edad,”
