Utang sang Pilipinas nagdangat na sa P13.64 trilyones

Nagdangat na sa P13.64 trilyones ang nangin utang sang Pilipinas sa pagtakop sang bulan sang Oktubre sini nga tuig bangud sa fiscal requirements, suno sa Bureau of the Treasury.

Sandig sa Treasury, nagadamo ang utang sang pungsod kada bulan bangud sa net availment sang local kag external loans.

Sa nasambit nga total debt stock sang Oktubre, naghalin ang dako nga bahin sini sa local borrowings nga may 68.58% kag ang 31.42% naman sa external loans.