BACOLOD CITY– Nakarekord sang walo tanan ka mga COVID related deaths ang Bacolod City humalin sa bulan sang Enero tubtob Abril sini nga tuig.
Suno kay Dr. Anna Maria Laarni Pornan, Bacolod City Disaster Risk Reduction and Management Office head, lunsay tanan mga ‘unvaccinated’ ang mga nagkalamatay kag kalabanan sa mga ini mga senior citiizens na kag isa diri ang bata nga nagapang-edaron sang pito ka tuig.
Pahayag sang CDRRMO head, nagapadayon man sa karon ang ila ginapatigayon nga contact tracing.
Ginsiling pa sini nga nagapabilin ang Bacolod City sa COVID alert level 1 status.*