Wanted nga senior citizen, arestado sa San Carlos City

BACOLOD CITY– Arestado ang isa ka wanted person sa siudad sang San Carlos subong nga adlaw sang Miyerkules, Nobyembre 30, 2022.

Ginkilala ang suspek kay Elderico Ventura alias “Elde”, 62 -anyos, laborer kag residente sang Sitio Maglunod, Barangay Quezon, San Carlos City, Negros Occidental.

Pina-agi sa warrant of arrest nga gin-isyu ni Honorable Francisco Rodriguez, presiding judge, RTC Br. 63, gin-aresto si Ventura sa pagpanguna ni Police Staff Sergeant Erald Gesuan, imbestigador sang kaso.

Sadtong Pebrero 4, 2010 gin-isyu ang warrant kag may pyansa nga Php200,000.

Ginpamatbatan ang suspek sa kaso nga other sexual abuse.*