BACOLOD CITY– Magahatag si Zamboanga City Mayor John Dalipe sang pabuya nga kapin Php2,000,000 kun sin-o ang makatudlo sa nagpatay sa businessman nga si Alvin Perez sadtong Oktubre 13.
Ang tanan nga mga impormasyon nga matipon ni Mayor Dalipe ang pagadal-on sa City Police Office para sa imbestgasyon.
Gina-kondenar sang Mayor ang pagpang-atake bangud naglabag ini sa City’s Peace and Order.
Isa ka bodyguard ni 2nd District Representative Manuel Jose Dalipe ang 49-anyos nga si Perez.
Dead-on-the-spot si Perez matapos gin-ambush ang ginasakyan.
Nakuha kay Perez ang 22 ka igo sang bala gamit ang M16 rifle kag 45 caliber nga pistol.
Kapin 4 ka suspek ang imbolbado sa insidente.*