Thursday, April 18, 2024

11-anyos nga nadula sa Toboso ginapatihan nga ginhimo ‘courier’ sang shabu

- Advertisement -

TOBOSO – Nagapati ang pamilya sang 11-anyos nga si alyas Dexter sang banwa sang Toboso nga ginhimo ‘courier’ ukon tagadala sang shabu ang bata matapos madula sa sulod sang 12 ka oras.

Base sa interview sang Radyo Bandera Sweet FM sa lolo sang biktima, posible nga ginpasalig sang suspetsado ang iya apo nga suhulan para mag-upod kag magbitbit sang iligal nga droga.

Dugang pa sang lolo, posible nga “timing” ukon natiempohan lamang nga nasugata kag napilian ang iya apo sang suspek nga magbibit sang plastik kun diin ginapatihan nakasulod ang kontrabando.

- Advertisement -

Nagapati ang lolo nga gingamit ang iya apo agud makaluwas ang suspek kun may malabyan nga checkpoint.

Madumduman nga nadula ang biktima matapos maglisensya nga mabakal lamang sang jelly ace sa tindahan takna las dyis sang aga sang Sabado, Hulyo 15, 2023.

Suno kay Dexter, hinali ini nga ginpalapitan kag ginhagad sang lalaki apang wala ini kabalo kun diin sila makadto.

Dugang pa ni Dexter, ikapila sila magsaylo sang ginasakyan apang wala ini ginatuparan sang lalaki tubtob nakakita na ini sang tower nga may “Welcome to Bacolod.”

Nag-abot sanday Dexter sa South Terminal kun diin naghambal ang lalaki nga mangihi lamang apang wala niya na ginbalikan ang bata.

Natalupangdan sang konduktor ang nagaisahanon nga si Dexter kag ginpasakay ini sa bus.

Pasado las 11:30 sang gab-i, nakit-an sang mga tricycle driver ang bata sa bus nga may ruta nga Escalante via San Carlos.

Nakapauli na ang bata apang suno sa pamilya, “tulala” ini kag daw wala ini sa iya kaugalingon kun istoryahon.

Dugang pa sang pamilya, buot, istoryador, malipayon nga bata, kag honor student pa ang 11-anyos antes magluntad ang insidente.

- Advertisement -

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles